السلام عليكم ورحمه الله وبركاته
ازيكم يا حبايب قلبى انا هتكلم معاكوا النهارده كده بالبلدى فى مشكله كتيير مننا
بتضايق زوجها بيها وهى اهملها اثناء الدوره الشهريه
ومش معنى اهملها انها معفنه يعنى لا طبعا مش عفانه
اكيد فى كتيير مننا الدوره الشهريه بتجيلها بمغص جامد وده بيخليها نايمه على طول فى السرير
وبتاخد مسكنات وحتى لو قامت من السرير مبتقدرش تتحرك كتير
وطبعا وقتها بيبقى وشنا مرهق ودبلان من التعب وجوزك طبعا بيتركن على جنب اليومين دول
طب انا ليه نصيحه كده صغننه وعن تجربه تخليكى جوزك ميحسش بفرق ابدا لما تكون عندك
اولا :_ بالنسبه للمغص فى حاجات كتير مسكنه متخليكيش تحسى باى وجع منها برشام ومنها
حقن ومنها مشروبات وكل واحده على حسب نسبه المغص
عندها قد ايه
طب خلاص خدتى المسكن هتعملى ايه
خلطه كده حلوه على وشك تنوره من غير مكياج زى مثلا اى خلطه لتنظيف المسام
لتفتيح البشره الخ.......
وبدل ما الايام دى تبقى لابسه اوحش ما عندك بالعكس البسى احلى ما عندك بس
مش قمصان نوم يعنى بنطلون استرتش كده جامد على بدى حلو
وخلى دايما البنطلون غامق والبدى فاتح فى الالوان يعنى تمام
طبعا انتى زى الفل وبتحطى مزيل عرق وبرفان تحفه بس زودى شويه
ودايما تغيرى الفوطه الصحيه باستمرار
عشان متديهاش فرصه تعمل ريحه او التهابات وبرضه تغيرى الاندر كل يوم حتى لو نضيف
وبالليل بقى قبل ماتنامى تاخدى دش دافى حلو بس من غير ما تغسلى
شعرك وادهنى جسمك بالكريمات المعطره عشان تبقى ريحته حلوه كده
وبكده زوجك عمره ما هيحس بفرق بين الايام العاديه
وايام الدوره الشهريه غير انه مش هيعرف يستفرد بيكى فرصه تعذبيه شويه
ولما تخلص بقى وتظبطى نفسك ساونا بقى وسويت
ابقى ارجعى بقى لقواعدك والبسى اللى انتى عايزاه وعيشى حياتك
معلومه صغيره
بالرغم من التعب اللى بتشوفيه اثناء البيريوت الا ان بعد انتهاءها
بيبقى اكثر وقتك جسدك مستعد فيه للجماع
اتمنى من الله ان اكون استطعت افادتكم ولو بحاجه بسيطه انا يمكن مقولتش
معلومات جديده لبعض الناس لكن ممكن تكون جديده لناس تانيه
واهم حاجه ان تكون الافاده موجوده فى الموضوع ومتنسونيش فى التقييم بقى
اترككم فى رعايه الله...........))
موضوع: كيف تعتنين بزوجك اثناء الدوره الشهريه 
الخميس 31 مايو 2012, 12:48 am
