السلام عليكم .. اهديكم بعض من الحزورات عسى ان تنال رضاكم *كبة أمي أمزوكهْ واموكهْ أو بيها الدفوف امعْلكة.......الجواب التنور *ابيض بياضاني بسوكْ لاكاني آني تفاح العجم حطوني بالصواني آني اي آني لع آني أمبيض الخلع كلمن اجه حل جيسهْواشتراني...الجواب الصابون * صندوك جانه من الشام اتلكتـــه ساده وعلام......الجواب شهر رمضان *طلع من الكبر وكصابيه خُضُر.....الجواب بصل اخضر *يطلع من بطن امه ويحك ظهر ابوه .....الجواب الشخاطه *ياكُل مينكال.......الجواب النار *بطنه بيضه وظهره اسود ..........الجواب القدر *هُو مالك والناس تستعملهْ أكثر منك ........الجواب الاسم *وين متْروح هُو وراك...........الجواب الظل *صْفط أبطن صُفط ليلوُ ومْصفّطْ..........الجواب الرمان *طير طار شك ابحار لاله ريش ولامنكار ............الجواب دخان *اذا اكلت نُصهْ اتموت واذا أكلتهْ كُلّه متموت...........الجواب سمسم *طبر طقش طبر طقش بلا حنه ولانقش اجه حسهُمن بعيد جنه جناجل العيد ............الجواب الهاون *بيضه بُضبُضه تلمع لميع الفُضه لاصاغها صايغ ولالبستها حُره...........الجواب القمر *طاسه ابطن طاسه بالبحر غطاسه .........الشمس *كبتنا حناحين بيهه مطر بيهه طين بيهه اثنعش شنداخه كل شنداخه بتلاثين .............الجواب السنه *أذبه من المنارة للكاع مينكسر أذبه بالمي ينكسر ........الجواب الورقه *اثنين واتلاثين عروسه بيضه وابنصهن عريس احمر...............الجواب الاسنان واللسان *حازك لازك أبكل شئ لازك..........الجواب الاسم *أسود سويداني بالسوك لاكاني اعمامته خضره والخلقه رباني ............الجواب الباذنجان *اذا كصيت راسه طار.............الجواب قطار *الميت من خشب وتابوته حلاوه.............الجواب فردة التمر *لابس أسود مو حزين بيده سبحه موخيّر يضرب أبره مو طبيب............الجواب عقرب *أربعة جرخ مرخ واثنين عنطزلري أوواحد ايكش الذبان ............الجواب الحمار
الحزوره هي من ثلاث فروع اولا- اكو واحد شمر طابوكه على جامه(زجاج) ومنكسرت لييييييييييييييش؟؟؟ ثانيا- اكو ديج ديمشي كان يموت رأسا لييييييييييييش ؟؟ ثالثا- اكو دجاجه صابغه روحه اسود ليييييييييييش؟؟؟؟؟؟؟؟
موضوع: حزورات2012 
الجمعة 24 فبراير 2012, 11:23 pm
